Kapin sa P1.7764 kada kilowatt hour ang NAGNUBO sa rate sa bulan sang Marso 2024 nga direkta nga resulta sa pagnubo sang generation charge nga kapin man sa P 1.6927 kada kilowatt hour. Ang kabilugan nga gin nubo sang power bills sa bulan sang Pebrero 2024 naglab-ot sa P-56,358,274.41 kumpara sa power bill sang Enero 2024. Ini nga mga parte sang bill makabig nga variable kag nagabaylo ini sa tagsa ka bulan kag kun ano ang kantidad sining mga power bill amon man lang ina ang ginasukot sa kunsumidor bilang mga “pass on charges.”
Ang revenue sang CAPELCO nga amo ang Distribution Supply and Metering (DSM) nagapabilin sa P1.6109 sa kada bulan kag ini wala nagbaylo sa sulod sang kapin sa 15 na ka tuig.
