Sa panahon sang Summer, ginatan-aw nga mataas ang aton konsumo ukon pag gamit sang kuryente bangud sang init nga dala sang panahon. Gina expectar man naton nga magataas ang presyo sang kuryente nga aton ginabakal nga apektado sang law of demand and supply – dako ang gina kinahanglan nga kuryente kag manubo nga supply. Indi nga phenomena pabalik balik ini sa tagsa ka tuig kag napamatud-an nga magataas gid ang presyo sang kuryente.
Sa karon pa lang, makita sa LOAD CURVE nga ginpakita diri nga sa takna nga alas 7:00 tubtob alas 10:00 (PEAK HOURS) sang gab-i, masyado kataas ang demand. Amo man ini ang tinion nga mataas man ang taripa sang kuryente sa merkado nga halos naga average sang P33.25 kada kilowatt hour. Kun dalayon ini nga taripa, indi malayo nga magasaka gid ang aton nga bulanan nga rate sa sini nga mga tinion.
Para mapahagan hagan naton ang epekto sini mahal nga kuryente, ginahinyo namon ang pag obserbar sang ginatawag nga DEMAND SIDE LOAD MANAGEMENT paagi sang pagsaylo sang mga indi gid importante nga pag gamit sang kuryente sa tion nga INDI PEAK HOURS paagi sa mga masunod:
SA BAHIN SANG RESIDENTIAL CONSUMERS:
1. Indi magpamalantsa kag mag gamit sang de kuryente nga galamiton sa tion sang alas 7:00 tubtob alas 10:00 sang gab-i kun indi gid man kinahanglanon. Pakamaayuhon nga mag pamala sang nilabhan gamit ang silak sang adlaw kag indi na sang electric dryer.
2. Kun regular kita nga naga defrost sang aton refrigerator, himuon naton sa oras sang PEAK HOURS.
3. Indi pag ipabilin nga nakasaksak ang mga cell phones bisan full na ini kay padayon ini nga nagkonsumo sang kuryente
4. Limpyohan ang mga electric fan para mangin episyente sa iya nga kunsumo. Kun ang iya makina naga exert sang sobra nga pwersa bangud nga mabug-at ang iya nga mga kapay bangud sang yab-ok, dako man ang iya sini ginakonsumo.
5. LIkawan ang mga extension cords nga overloaded (octopus connections) indi lamang nga naga contribute ini sa mataas nga konsumo kundi delikado pa ini nga magkasunog
6. Mag gamit kita sang mga episyente nga appliances pareho sang inverter type kag mga LED nga suga. Sigurohon naton nga i-off ang mga suga kag i unplug ang mga appliances nga wala naton ginagamit.
SA MGA BIG LOADS KAG HIGH VOLTAGE CONNECTION PAREHO SANG WELDING SHOPS, ICE PLANTS, RICE MILLS, MACHINE SHOPS, MALLS
1. Pakamaayuhon nga sa INDI PEAK HOURS kita mag full operation. Kun may lalagson nga ulobrahon, palihog saylo sang schedule sa INDI PEAK HOURS nga mga inoras.
