Ang inyo bill CURRENT, buot silingon wala kamo sang arrears o wala sang bill nga wala mabayaran sa mga nagliligad nga binulan. Kinahanglan man bayaran ang current bill on or before due date. Para lang ini sa individual nga accounts kag INDI diri dala ang BAPA account. Para lamang ini sa “regular bills” indi pwede diri mabayaran ang iban nga balayaran sa CAPELCO. Pwede man mabayaran ang low voltage account magluwas sa may withheld withholding taxes Nagasukot ang GCash kag Maya sang Convenience Fee nga P10.00
Sundon ang mga masunod:
1. Sa inyo Cellphone, magkadto sa GCash or Maya Mobile Application.
2. Magkadto sa Bills kag pinduton ang Electric Utilities sa Biller Category.
3. Pagkatapos, inyo i click ang CAPELCO o Capiz Electric Cooperative, Inc.
4. Ang Gcash or Maya dayon mangayo sang 12 digit nga account number.
Sa inyo nga pag input, dal-a ninyo ang dash nga ara sa inyo account number.
Por Ehemplo 11-2222-3333.
5. Inyo man dason i enter and inyo account name pareho abi, Juan Dela Cruz.
6. Pagkatapos, imo man i enter ang aktwal nga kantidad nga nabutang sa
inyo nga bill. Kinahanglan nga kun ano ang amount sa inyo statement of
account ukon bill, amo gid ina ang imo nga ibutang. Kun kulang ukon sobra,
indi ina pagbatunon sang system. Ang cut-off payment 12:00 sang gab-i kag
ang inyo bayad maga reflect sa system sang CAPELCO sa masunod nga adlaw.
7. Ang Gcash gapangayo man sang inyo email address bisan optional ina,
gina pangabay sang CAPELCO nga i fill-up ang email address.
Magluwas sa GCash kag Maya, pwede man kamo kabayad sang inyo bill Over the Counter or OTC sa 7-11 kag RD Pawnshop kag sa mga accredited banks pareho sang First Consolidated Bank, United Coconut Planters Bank, Security Bank, Robinsons Bank kag China Bank Savings.
