Mayo 2024
Padayon ang pagsaka sang bulanan nga nga taripa sa bulan sang Mayo 2024 nga naglab-ot sa P1.339 sa kada kilowatt hour. Ang mayor nga rason sining pagsaka amo ang masunod:
• Ang resulta sang pagtuon sang mga engineers sang CAPELCO nga ginbalhag sang Mayo 9, 2024, nagapakita ang masyado kamahal nga presyo sang kuryente sa merkado, nga amo ang masunod:
o OFF PEAK – Mga inoras halin alas 11:00 sang gab-i tubtob ala 5:00 sang hapon – P7.05 kada kilowatt hours
o PEAK HOURS – Mga inoras halin ala 6:00 sang hapon tubtob alas 10:00 sang gab-i – P32.08 kada kilowatt hours
• Sa amon man nga pagtuon, nagapakita nga ang average nga konsumo sa isa ka adlaw sa bulan sang Marso nagalab-ot lamang sa 78,511.67 kilowatt hours kumpara sa konsumo sa Abril nga nagalab-ot gid sa 91,026.42 kilowatt hours ukon may diperensya nga 12,514.75 kilowatt hours. Ang konsumo sa bulan sang Abril amo ang balasehan sang taripa sa bulan sang Mayo.
• Ining resulta sang pagtuon gin kumpirma sang pag-abot sang mga power bills sang power suppliers nga sa kabilugan naglab-ot sa P95.22 milyones ang ginsaka.
• Sa kabilugan, bisan ang iban nga bahin sang bill nagnubo, ang pagsaka sang GENERATION CHARGE naglab-ot sa P1.1001 kada kilowatt hour. Sa kabilugan, ang ginsaka sang taripa naglab-ot sa P1.3392 kada kilowatt hour.
• Wala sang kontrol ang CAPELCO sang presyo sa merkado kay ini ginadikta sang presyo sang mga power suppliers sa kada oras. Ang Distribution Supply and Metering (DSM) Charges nga amo ang parte sang CAPELCO sa ginakolekta nga bill, nagapabilin sa P1.6109 kada kilowatt meter kag ini wala nagbaylo sa sulod sang 12 tubtob 15 na ka tuig.
