Agosto 2024
Naglab-ot sa 70 sentimos ang gintaaas sang bulanan nga taripa sa bulan sang Agosto bangud sang pagmahal sa kuryente sa merkado. Matuod nga nagnubo ang โpower billsโ apang nagnubo man ang kabilugan nga kunsumo sa bulan sang Hulyo 2024. Kapin sa 10 milyones ang gin nubo sang power bills apang sobra man sa 2 milyones kilowatt hour ang gin nubo sang kunsumo nga ang resulta amo ang pagsaka sang pagsuloktan.
Isa sang rason sa pagmahal sang kuryente sa merkado amo ang dugang nga ginsukot nga line rental. Ang kabilugan nga ginbayaran sang CAPELCO sa line rental naglab-ot sa kapin sa P104,072,278.30 sa bulan sang Hulyo kumpara sa P35,726,811.02 lamang sini nga ginbayad sa bulan sang Hunyo. Inang dugang nga pagsuloktan ginapaimbestigahan na karon sa Kongreso sang mga representante sang APEC kag PhilRECA Party List.
Sa gihapon, ang DISTRIBUTION SUPPLY AND METERING nga charges nga amo ang nagakadto sa CAPELCO nagapabilin sa gihapon sa 1.6109 kada kilowatt hour.
