October 2024
Naglab-ot sa ₱.8896 sentimos ang GINUBO sang bulanan nga taripa sa bulan sang Oktubre bangud sang pag barato sang kuryente sa merkado kag pagnubo sang power bills sang mga power suppliers sang CAPELCO.
Sa apat sang iya mga power suppliers, ang GCGI (Green Core Geothermal Inc.) ang may power bill nga naga pabilin sa kapin 71.8 milyones pareho lang sang nagligad nga bulan. Ang power bill sa bahin sang PEDC (Panay Energy Development Corporation) nagnubo sang kapin sa 2.3 milyones pesos, ang sa bahin sang ESCI (Enervantage Suppliers Company, Inc.) may panugnubo sang kapin 428.8 ka libo ka pesos kag ang may dako nga pagnubo sa iya power bill amu ang sa bahin sang IEMOP (Independent Electricity Market Operator) nga naglambot sa kapin 29 milyones pesos.
Apisar nga may pagnubo sa panukot sang mga power suppliers, talalupangdon man ang pagsaka sang pagsuloktan sa bahin sang NGCP (National Grid Corporation of the Philippines) nag amo ang transmission provider. Sa subong nga bulan, may pagsaka sang kapin sa 8 milyones pesos ang pagsuloktan ukon ang Transmission Charges sang NGCP. Sa kabilugan, ang naghatag man sang dako nga kontribusyon sa pagnubo sang rate sa sini nga bulan ang pag nubo sang kapin sa ₱348.835.44 sa kabilugan nga konsumo sa bahin sa CAPELCO end users.
Sa gihapon ang pagnubo sang taripa kada kwH sa sini nga bulan mabatyagan kon ang konsumo nagpabilin nga pareho sang nagligad nga bulan. Gina bulubanta nga pagnubo sang taripa kada kilowatt hour maga tayuyon bangud nga kita yara na sa katapusan nga quarter sang tuig sa diin malamig ang panahon kag posible nga maganubo pagid ang konsumo sang tagsa ka konsumidor. Sa baylo, balantayan man ang mahimo pagtaas sang konsumo sa bulan sang Disyembre bangud sa nagakatuhay nga holidays kag okasyon.
Sa gihapon, ang DISTRIBUTION SUPPLY AND METERING nga charges nga amo ang nagakadto sa CAPELCO nagapabilin sa gihapon sa 1.6109 kada kilowatt hour.
