NEWS and EVENTS

Ang Presyo sang Kuryente sa Bulan sang Hunyo Nag Nubo!

Published: June 26, 2025

𝐌𝐀𝐀𝐘𝐎 𝐍𝐆𝐀 𝐁𝐀𝐋𝐈𝐓𝐀!

𝐀𝐍𝐆 𝐏𝐑𝐄𝐒𝐘𝐎 𝐒𝐀𝐍𝐆 𝐊𝐔𝐑𝐘𝐄𝐍𝐓𝐄 𝐒𝐀 𝐁𝐔𝐋𝐀𝐍 𝐒𝐀𝐍𝐆 𝐇𝐔𝐍𝐘𝐎 𝐍𝐀𝐆 𝐍𝐔𝐁𝐎!

Humalin Abril 2025, tubtub Hunyo 2025, masobra duha ka piso ang pag nubo sang presyo sang kuryente.

Subong nga Hunyo 2025, ₱𝟏𝟏.𝟔𝟏𝟖𝟐 𝐧𝐚 𝐥𝐚𝐦𝐚𝐧𝐠 𝐚𝐧𝐠 𝐩𝐫𝐞𝐬𝐲𝐨 𝐬𝐚𝐧𝐠 𝐤𝐮𝐫𝐲𝐞𝐧𝐭𝐞 𝐩𝐞𝐫 𝐤𝐢𝐥𝐨𝐰𝐚𝐭𝐭 𝐡𝐨𝐮𝐫 𝐬𝐚𝐧𝐠 𝐫𝐞𝐬𝐢𝐝𝐞𝐧𝐭𝐢𝐚𝐥 𝐜𝐨𝐧𝐬𝐮𝐦𝐞𝐫, ukon katumbas sa pagnubo sang ₱1.1669 kumpara sa ₱12.7851 sang Mayo 2025 kag ₱2.4091 kumpara naman sa ₱14.0272 sang Abril 2025.

Rason sang pagnubo sang presyo sang kuryente and pagnubo sang generation charges sang kalabanan nga generation suppliers kag pag nubo man sang transmission charges sang NGCP.

Aton tandaan, ang aton kooperatiba isa ka non-profit, service oriented distribution utility kag ang presyo sang aton kuryente gina tawag nga 𝐏𝐚𝐬𝐬-𝐭𝐡𝐫𝐨𝐮𝐠𝐡 𝐂𝐡𝐚𝐫𝐠𝐞𝐬 nga bout silingon, ang gina sukot lang sang aton kooperatiba ang gina sukot lang man sang aton nga mga supplier.

Kabalo bala kamo nga sa a ₱11.6182 per kWh nga rate subong nga Hunyo, ₱𝟏.𝟗𝟎𝟏𝟑 lamang ang gakadto sa CAPELCO? Kag ang deperensya nga ₱9.7169 per kWh gakadto sa masunod.

1. Dako nga parte gina bayad as 𝐆𝐞𝐧𝐞𝐫𝐚𝐭𝐢𝐨𝐧 𝐂𝐡𝐚𝐫𝐠𝐞𝐬 sa aton nga mga power suppliers, ini ang presyo sang na generate kag na nagamit na naton nga kuryente.

2. Segundo nga gina kadtuan ang aton gina bayad as 𝐓𝐫𝐚𝐧𝐬𝐦𝐢𝐬𝐬𝐢𝐨𝐧 𝐂𝐡𝐚𝐫𝐠𝐞𝐬 sa NGCP, ukon ang ang gasto sa paggamit sang mataas nga boltahe nga transmisyon nga grid sa pagdul-ong sang kuryente gikan sa mga generator sang mga power supplier pakadto sa substations sang aton kooperatiba.

3. Kag ang aton kooperatiba gabayad sang 𝐓𝐚𝐱𝐞𝐬 – ukon mga buhis kag iban pa nga mga balayran nga ginapatuman sang gobyerno kag 𝐒𝐮𝐛𝐬𝐢𝐝𝐲 𝐂𝐡𝐚𝐫𝐠𝐞𝐬 – ukon mga kinahanglanon nga pagbayad pareho sang lifeline kag mga subsidiya sa mga senior citizen nga ginapatuman sang gobyerno.

4. 𝐒𝐲𝐬𝐭𝐞𝐦 𝐋𝐨𝐬𝐬 𝐂𝐡𝐚𝐫𝐠𝐞 – ang gasto sang nadula nga kuryente bangod sang teknikal kag indi teknikal nga mga pagkadula.

5. Kag sa liwat ₱𝟏.𝟗𝟎𝟏𝟑 lang ang gapabilin sa CAPELCO sa kada bulan bilang 𝐃𝐢𝐬𝐭𝐫𝐢𝐛𝐮𝐭𝐢𝐨𝐧, 𝐒𝐮𝐩𝐩𝐥𝐲 & 𝐌𝐞𝐭𝐞𝐫𝐢𝐧𝐠 𝐂𝐡𝐚𝐫𝐠𝐞𝐬 & 𝐑𝐅𝐒𝐂 – kag ini wala nagbaylo sa sulod sang pila na ka tuig. Ginasakop sini ang gasto sa pagpauswag, pagtukod, pag-operate kag pagmentinar sang aton sistema kag gasto sa pagbasa, pag-operate kag pagmentinar sang mga pasilidad sa pag-meter sang kuryente kag mga kaupod nga kagamitan, subong man ang iban pa nga mga gasto nga ginapatungod sa paghatag sang serbisyo.