NEWS and EVENTS

Para sa aton nga mga valued Member-Consumer-Owners,

Published: August 4, 2025

522625658_1047948884207362_3861267756164001316_n

Indi naton pag kalipatan nga ang aton CAPELCO, isa ka 𝐧𝐨𝐧-𝐬𝐭𝐨𝐜𝐤, 𝐧𝐨𝐧-𝐩𝐫𝐨𝐟𝐢𝐭, 𝐤𝐚𝐠 𝐬𝐞𝐫𝐯𝐢𝐜𝐞 𝐨𝐫𝐢𝐞𝐧𝐭𝐞𝐝 nga distribution utility nga kooperatiba sang mga konsumidor sang kuryente diri sa Probinsya sang Capiz, kag ang presyo sang aton kuryente nagabasi lamang sa presyo sa merkado kag wala kita direkta nga control sini.

Kabalo bala kamo nga sa ₱𝟏𝟐.𝟎𝟗𝟗𝟑 per kWh nga rate subong nga Hulyo, ₱𝟏.𝟗𝟎𝟏𝟑 lamang ang mapabilin sa CAPELCO? Kag ang deperensya nga ₱𝟏𝟎.𝟏𝟗𝟖𝟎 per kWh ginabayad naton sa mga masunod.

1. Una, ang ₱6.1705 gina bayad as 𝐆𝐞𝐧𝐞𝐫𝐚𝐭𝐢𝐨𝐧 𝐂𝐡𝐚𝐫𝐠𝐞𝐬 sa aton nga mga power suppliers, ini ang presyo sang na generate kag na nagamit na naton nga kuryente. Subong may ara kita lima ka power suppliers, amo ni ang GCGI, PEDC, WESM, ESCI, FDC-MPC, kung sa diin ang GCGI, FDC-MPC, kag PEDC, may pagnubo sang presyo sang ila kuryente apang nagtaas ang aton nakunsumo (kwh consumption) nga gikan sa ila, kag ang WESM naman may pag taas sang presyo sang kuryente pero may pagnubo sang aton nakunsumo nga gikan sa ila, kung sa diin nagresulta ini sang ₱19 Milyones nga pagtaas sa bug-os nga ginbayaran naton sa aton nga mga power suppliers.

2. Ang ₱1.7136 naman aton gina bayad as 𝐓𝐫𝐚𝐧𝐬𝐦𝐢𝐬𝐬𝐢𝐨𝐧 𝐂𝐡𝐚𝐫𝐠𝐞𝐬 sa NGCP, ukon ang ang gasto sa paggamit sang mataas nga boltahe nga transmisyon nga grid sa pagdul-ong sang kuryente gikan sa mga generator sang mga power supplier pakadto sa substations sang aton kooperatiba. Subong nga bulan sang Hulyo, may pagtaas ini sang ₱3.9 Milyones.

3. Ang ₱1.2500 naman gina remit as 𝐓𝐚𝐱𝐞𝐬 – ukon mga buhis kag iban pa nga mga balayran nga ginapatuman sang gobyerno kag as 𝐒𝐮𝐛𝐬𝐢𝐝𝐲 𝐂𝐡𝐚𝐫𝐠𝐞𝐬 – ukon mga kinahanglanon nga pagbayad pareho sang lifeline kag mga subsidiya sa mga senior citizen nga ginapatuman sang gobyerno.

5. Ang ₱1.0639 naman gina alokar sa 𝐒𝐲𝐬𝐭𝐞𝐦 𝐋𝐨𝐬𝐬 𝐂𝐡𝐚𝐫𝐠𝐞 – ang gasto sang nadula nga kuryente bangod sang teknikal kag indi teknikal nga mga pagkadula.

6. Kag sa liwat ₱𝟏.𝟗𝟎𝟏𝟑 lang ang gapabilin sa CAPELCO sa kada bulan bilang 𝐃𝐢𝐬𝐭𝐫𝐢𝐛𝐮𝐭𝐢𝐨𝐧, 𝐒𝐮𝐩𝐩𝐥𝐲 & 𝐌𝐞𝐭𝐞𝐫𝐢𝐧𝐠 𝐂𝐡𝐚𝐫𝐠𝐞𝐬, 𝐑𝐅𝐒𝐂 𝐤𝐚𝐠 𝐎/𝐔- kag ini wala nagbaylo sa sulod sang pila na ka tuig. Ginasakop sini ang gasto sa pagpauswag, pagtukod, pag-operate kag pagmentinar sang aton sistema kag gasto sa pagbasa, pag-operate kag pagmentinar sang mga pasilidad sa pag-meter sang kuryente kag mga kaupod nga kagamitan, subong man ang iban pa nga mga gasto nga ginapatungod sa paghatag sang serbisyo.