May 16, 2024
Ang National Electrification Administration (NEA) amo ang ahensya nga naga regulate sang mga electric cooperatives (EC) sa bilog nga Pilipinas. Sila nagpa gwa sang isa ka panugyan para mas maintindihan sang publiko ang rason sa likod sang pagtaas sang bili sang kuryente. Ini nga sitwasyon indi lamang diri sa Capiz kundi gina ekperiensya sa bilog nga Pilipinas.
Ini nga panugyan nag kumpirmar sang resulta sang pagtuon nga ginpatigayon sang mga engineers sang CAPELCO kay nagagwa nga nagtaas ang aton konsumo kag nagmahal ang generation charges nga ginabayaran sang CAPELCO sa iya sini nga mga power suppliers.
Ginpaathag man sang NEA nag ang generation cost is aka pass-through cost nga sa diin ang ginasukot sang generation companies ukon mga power suppliers sa EC, ginapasa man sang EC sang iya sini mga kunsumidor nga wala sang patong ukon ganansya.
Ang mataas nga heat index isa man sa mga rason kag subong ang presyohanay sa merkado wala sa kontrol sang isa ka EC kay ginadikta ini sang mga power suppliers.
Sa kabilugan, ang pagtaas sang bili sang kuryente wala sa kontrol sang CAPELCO bangud ang mga rason sa likod sini wala sa iya mga kamot
