Ang ginapatigayon nga pagbaylo sang 10 MVA nga Power Transformer sang bag-o nga 15 MVA Power transformer sa Subtation sang Dao nagdulot sang abnormalidad sang boltahe sang kuryente sa banwa sa Cuartero, Dumarao, Dumalag kag Tapaz. Ginpanugyan sang CAPELCO nga sundon sini ang gintalana nga schedule MAGLUWAS LAMANG kun may abnormalidad sa linya ukon malain ang panahon.
Suno sa monitoring nga ginpatigayon sang iya sini nga mga engineers, masyado na kanubo ang boltahe snag kuryente sa linya. Ang regular nga boltahe amo ang 220 VOLTS apang naga gwa nga ang sa Camburanan Tapaz kag sa Dacuton Dumarao, nagalab-ot gin lamang sa 170 volts. Ini nga sitwasyon mahimo pa gid nga magalala, kapin pa karon halin ala 6:00 tubtob sa alas 10:00 sa gab-i.
Ang schedule sang Rotational Power Interruption magapadayon apang nagapangayo sang PASAYLO ang CAPELCO nga kutob na gid lamang sa mga POBLACION nga barangay ang sarang sini mahatagan sang suplay sang kuryente. Ginkakas na ang mga lateral nga kuneksyon bangud sa subong nga sitwasyon indi na masarangan sang linya ang pagsuplay sang kuryente sa bug-os nga banwa. Ginpakamaayo nga amo ini ang himuon para indi na mabutang sa delikado ang aton kagamitan kun aton piliton nga gamiton ini nga kulang ang boltahe sa linya.
Sa sini nga sitwasyon, ginahinyo gid namon ang inyo nga SUPORTA kag PAG INTIENDE nahanungod sini. Ang sa mga Poblacion nga lugar, ginahinyo namon sa karon nga aton palabihon ang pag gamit lamang sang aton mga suga. Ginahinyo man naton ang mga gobyerno lokal nga ipaiway danay naton ang pagpasiga sang aton mga streetlights.
Sa pihak nga bahin, ang pag obra sa substation AHEAD OF TIME gani mahimo nga mas temprano naton mabalik sa normal ang estado sang suplay sang kuryente sa apektado nga mga lugar.
Paeho sang pag intiende ninyo sa inyo Kooperatiba sang nagligad nga tuig nga nag lab-ot sa apat ka adlaw bag-o nabalik ang suplay sang kuyente, liwat naton nga GINAHINYO ang inyo nga pag intiende sa pila na man lang ka mga inoras.
Madamo gid nga Salamat!
