Hulyo 2024
Nagsaka sang 43 sentimos ang bulanan nga taripa sa bulan sang Hulyo 2024 nga naglab-ot sa P14.6108 kada kilowatt hour. Ang mayor nga rason sining pagtaas amo ang mga masunod:
•Pagtaas sang GENERATION RATE nga naglab-ot sa 47 sentimos bangud nagsaka ang kabilugan nga power bills sang kapin sa 12 milyones ukon P 11,826,093.84.
•Nagtaas man ang systems loss rate nga naglab-ot sa 0.0672 kada kilowatt hour halin sa P1.2097 sa bulan sang Hunyo pakadto sa P1.2769 sa bulan sang Hulyo.
•Nagtaas man ang taripa sang PEDC sang P0.79 kada kilowatt hour halin sa iya taripa nga P7.7391 sa kada kilowatt hour sang Mayo pakadto sa P8.5336 sang Hunyo.
•Subong man nagtaas ang ESCI sang P2.55 kada kilowatt hour sa ila nga taripa halin sa P10.0810 sa bulan sang Mayo pakadto sa P12.0853 sa bulan sang Hulyo.
•Ang WESM nagpasaka man sang ila taripa sang P2.00 sa kada kilowatt hour halin sa P10.0810 sang bulan sang Mayo pakadto sa P12.0853 sa bulan sang Hunyo.
Ini ang mga bahin sang aton bulanan nga taripa ang ginakabig nga “variables” kag nagabaylo ini sa kada bulan nga masami nga rason sa pagsaka ukon pagnubo sang taripa. Wala sang kontrol ang CAPELCO sang presyo sa merkado kay ini ginadikta sang presyo sang mga power suppliers sa kada oras.
Ang Distribution Supply and Metering (DSM) Charges nga amo ang parte sang CAPELCO sa ginakolekta nga bill, nagapabilin sa P1.6109 kada kilowatt meter kag ini wala nagbaylo sa sulod sang 12 tubtob 15 na ka tuig.
