Septembre 2024
Naglab-ot sa P1.1754 sentimos ang GINUBO sang bulanan nga taripa sa bulan sang Septembre bangud sang pag barato sang kuryente sa merkado kag pagnubo sang power bills mga power suppliers sang CAPELCO. Sa apat sang iya mga power suppliers, ang Green Core Geothermal Inc. ang may power bill nga nagsaka sang kapin sa P2.42 ka milyon. Ang power bill sang WESM ukon sang merkado, nagnubo sang P25.36 milyones. Ang kabilugan nga gin nubo sang power bills naglab-ot sa P35.06 milyones. Isa sang pamatuod sang pagbarato sang kuryente amo nga bisan nagtaas ang konsumo kumpara sa nagligad nga bulan sang kapin sa 1,174,692.11 kilowatt hour, nagnubo sa gihapon ang kabilugan nga power bills.
Sa pihak nga bahin, ang TRANSMISSION CHARGES nga ginabayad sa National Grid Corporation of the Philippines ukon NGCP nagtaas sang kapin sa P20.61 milyones. Bisang nagnubo na ang ginabayaran nga LINE RENTAL sa WESM, padayon pa ini nga ginasukot samtang wala pa sang desisyon nga nalab-utan ang ginproponer nga INQUIRY IN AID OF LEGISLATION sang representante sang APEC kag PhilRECA Partylist sa Kongreso.
Sa gihapon, ang DISTRIBUTION SUPPLY AND METERING nga charges nga amo ang nagakadto sa CAPELCO nagapabilin sa gihapon sa 1.6109 kada kilowatt hour.
